NHL: 2022/2023 жылғы маусымының басталатын күні жарияланды

Ұлттық хоккей лигасы 2022/2023 жылғы тұрақты маусымның күнтізбесін жариялады, деп хабарлайды Prosports.kz.

Тұрақты маусым 7 және 8 қазанда «Нэшвилл Предаторз» бен «Сан-Хосе Шаркс» арасындағы NHL әлемдік сериясымен басталады.

Солтүстік Америкада бірінші кездесу 11 қазанда өтеді – «Нью-Йорк Рейнджерс» «Тампа-Бэй Лайтнингті» қабылдайды. Ал келесі күні 2022 жылғы Стэнли Кубогының жеңімпазы «Колорадо Эвеланш» «Чикаго Блэкхоукспен» кездеседі.

2023 жылғы NHL «Қысқы классикасы» 2 қаңтарда Бостонда өтеді. «Бостон Брюинз» бен «Питтсбург Пингвинз» кездеседі. Кезекті маусым 13 сәуірде аяқталады. Ол күні 15 кездесу өтеді.