Қазақстандық киберспортшылар FIFA-дан әлем чемпионатына шықты

Қазақстан тарихта алғаш рет FIFAe Nations Series 2022 симуляторынан әлем чемпионатына финалдық кезеңіне жолдама алды.

Ақназар «aka_nolito» Бексейітов пен Олжас «ZhasikFIFA09» Есентаев ойнайтын ұлттық құрама екі іріктеу кезеңінен өтіп, 2022 жылғы әлем чемпионатына жолдама алған үздік үш команданың қатарына енді. Бұл жолда команда 2018 жылғы әлем чемпионы және FIFA бойынша екі дүркін жылдың үздік ойыншысы ойнайтын Сауд Арабиясын жеңді.

Финал Копенгагенде 27-30 шілде аралығында өтеді. Оған 24 команда қатысады. 2022 жылғы әлем чемпионатының жүлде қоры 400 мың долларды құрайды.

* Fifa Nations Series 2022-EA SPORTS 2v2 форматындағы FIFA 22 футбол тренажері бойынша халықаралық спорттық турнир. Оған әлемнің түкпір-түкпірінен Футбол қауымдастықтарының құрама командалары қатысады. Fifa Nations Series FIFA – халықаралық футбол федерациясының ресми турнирі. 2019 жылдан бері жыл сайын өтіп келеді.