«Барселона» президенті Ла Лиганың қаржылық талаптарына қарсы екенін айтты

«Барселона» басшысы Еуропаның басқа елдеріне қарағанда фэйр-плей ережелері әлдеқайда талапшыл екенін айтты, деп хабарлайды Prosports.kz.

«Испаниядағы фэйр-плей ережелері басқа елдермен салыстырғанда өте қатал, тым талапшыл. Бұл түзетуді қажет ететін тағы бір кемшілік. Бірақ біз кедергілерді жеңуге үйреніп қалдық», - деді Лапорта.

Еске салайық, «Барселона» 2021/2022 маусымындағы Испания чемпионатын 73 ұпай жинап, екінші орында аяқтады. Ел чемпионы атанған мадридтік «Реалдан» каталондықтар 13 ұпайға қалып қойды.