«Ювентус» Погбаға келісімшарт ұсынып отыр

«Ювентус» «Манчестер Юнайтедтің» жартылай қорғаушысы Поль Погбаға келісім-шарт ұсынды. Бұл туралы журналист Адриен Гранье хабарлады.

Дереккөздің хабарлауынша, турнирдіктер футболшыға жылына 7,5 миллион еуро жалақы алатын 3 жылдық келісімшарт ұсынған. Француз футболшысы клубқа тегін қосыла алады. 29 жастағы жартылай қорғаушы маусымның соңында «Манчестер Юнайтедтен» еркін агент мәртебесінде кетуі мүмкін.

Бұған дейін Погбаның ПСЖ-ға ауысуы мүмкін екені хабарланған болатын.