Танымал қазақстандық файтер поп-ММА бойынша өнер көрсетеді

Қазақстандық файтер Жұман Жұмабеков поп-ММА ережесі бойынша жұдырықтасады, деп хабарлайды Prosports.kz сайты «Спорт Шредингера» телеграм арнасына сілтеме жасап.

«Naiza-ның бұрынғы чемпионы Nomad FC өкілі Жұман Жұмабеков таңғышта жекпе-жек өткізеді. Қарсылас – Hardcore FC спортшысы поп-ММА бойынша жұдырықтасқан ресейлік Альберт «Феномен» Родионов.

Жұмабековтың ММА-дағы статистикасы 11-5, ол Fight Nights, Brave және Қазақ лигаларында жекпе-жек өткізген, сонымен қатар кәсіпқой бокста бір жекпе-жек өткізген. Өткен жылдың шілдесіндегі соңғы кездесуінде Жұман нокаутпен ұтылып, белбеуден айырылды», - деп жазады дереккөз.