Волейболдан әлем чемпионатында Ресей орнына Украина қатысады

Волейболдан 2022 жылғы әлем чемпионатында Ресей орнына Украина қатысатын болды, деп мәлімдеді Украина волейбол федерациясы Халықаралық волейбол федерациясының (FIVB) хатына сілтеме жасап, деп хабарлайды Prosports.kz.

«Бүгін, 14 сәуірде, Украина волейбол федерациясының президенті Михаил Мельникке FIVB-дан Украинаның Ресейдің орнына 2022 жылғы әлем чемпионатында ойнайтыны туралы хат келді. Хатта жеребе рәсімі қайта өтпейтіні айтылған. Украина А тобындағы бірінші еленген нөмір бойынша Ресейдің орнын алады», - делінген хабарламада.

Украина құрамасы 2021 жылдың 20 қыркүйегінде FIVB рейтингінде 23-орынды тұрақтап, Ресей командасын алмастыратын тізімдегі ең жақын команда болды.