Қазақстанның бірнеше дүркін чемпионы 29 жасында көз жұмды

2022 жылы 23 наурызда Өскеменде 29 жастағы спортшы Нұрлан Демирчи дүниеден өтті, деп хабарлайды Prosports.kz.

Azerforum.com мәліметінше, Демирчи жүрек ұстамасынан көз жұмған.

Нұрлан Демирчи - Әзербайжанның Гах ауданының тумасы, 1997 жылдан бері Қазақстанда тұрған. Бокс, кикбокс, ережесіз жекпе-жекпен айналысқан. Бокс пен кикбоксингтен әр түрлі жастағы жарыстарда бірнеше рет Қазақстан чемпионы атанған. Сонымен қатар, спорт шеберіне кандидат болған еді.

Дереккөз мәліметіне қарағанда, спортшы туған жері Гах ауданында жерленеді.