Қазақстандық боксшы АҚШ-тағы жеңісінен кейін әлемдік рейтингте жоғары көтерілді

Қазақстандық боксшы Темірлан Райымқұлов (5-1-2, 1 КО) Boxrec.com рейтингінде фантастикалық серпіліс жасады, деп хабарлайды Prosports.kz.

Райымқұлов орта салмақтағы рейтингте бірден 417 позицияға көтерілді - 619-шы орыннан 202-ші орынға.

Еске салайық, Темірлан Филадельфияда (АҚШ) өткен бокс кешінде америкалық боксшы Исайа Селдонмен (14-5-1, 5 КО) кездескен болатын. Қазақстандық қарсыласын төртінші раундта техникалық нокаутпен жеңді.

Райымқұлов үшін бұл кәсіпқой мансабындағы алғашқы мерзімінен бұрын жеңісі болды. Темірлан Райымқұлов профессионал ретінде өнер көрсетуді 2016 жылы бастады, бірақ барлығы сегіз жекпе-жек өткізді.