Италияда фристайл-могулдан әлем чемпионатында Қазақстан екінші жүлдесін жеңіп алды

Фристайл-могулдан Қазақстан құрамасы Италияда өтіп жатқан жасөспірімдер арасындағы әлем чемпионатында екінші медаль жеңіп алды, деп хабарлайды Prosports.kz.

Аралас командалар арасында параллельді могулдан біздің спортшылар күміс медаль еншіледі. Бағдарламаның бұл түрінде еліміздің атынан Анастасия Городок пен Федор Бугаков қатысты.

Бірінші орын АҚШ-қа тиесілі. Америкалық спортшылар қола жүлдеге де қол жеткізді.

Айта кетейік, бұған дейін жекелей сында Анастасия Городок екінші болған еді.