Классикоға қатыспаған Бэйл Уэльс құрамасында жаттығып жүр

Гарет Бэйл эль-класикоға қатыса алмағанына қарамастан, Уэльс құрамасында жаттығып жүр, деп хабарлайды Prosports.kz.

Ла Лиганың 29-турындағы «Барселонаға» қарсы (0:4) матчта «Реал» вингері белі ауырып жүргенін айтып, ойынға қатыспаған болатын.

Дегенмен, осы аптаның басында 32 жастағы футболшы ұлттық құрама сапына қосылды.

Бэйл 24 наурызда өтетін Австрияға қарсы ойынға қатысады. «Реал Мадридтің» құрамында ол 15 ақпаннан бері алаңға шықпады.