«Астана» - «Автодор» кездесуі 20 наурыз күні кешке өтеді

«Астана» баскетбол клубы ВТБ Бірыңғай лигасы аясындағы «Автодорға» қарсы ойын басталатын жаңа уақытты жариялады, деп хабарлайды Prosports.kz.

Жаңартылған ақпаратқа сәйкес, кездесу бұрынғыдай 20 наурызда өтеді, бірақ бұрын жоспарланғандай 15:00-де емес, Нұр-Сұлтан уақыты бойынша 20:00-де басталады. Ойынның кеш басталуына қонақ команданың жолда кешігуі себеп болды.

«Автодор» «Астанамен» матчқа жоспар бойынша 18 наурыз күні кешке Саратовтан Мәскеуге ұшатын болды. Бірақ келесі күні таңертең Мәскеу - Нұр-Сұлтан тікелей рейсі кейінге шегеріліп сапар 16 сағатқа кешікті. Нәтижесінде рейс бүгін, 20 наурызда Мәскеу – Омбы – Нұр-Сұлтан бағыты бойынша жөнелтілді. Қазір біздің команда 19 сағаттан астам кешігумен Нұр-Сұлтанға бет алды », - деп хабарлайды ресейлік клубтың баспасөз қызметі.