«Астана» баскетбол клубы бас жаттықтырушымен келісімшартты тоқтатты
«Астана» баскетбол клубы бас жаттықтырушы Дарко Руссомен келісімшарт тоқтатылғаны туралы жариялады.
«Келісімшарт өзара шешім бойынша тоқтатылды. Клуб Дарко Руссоға атқарған еңбегі үшін алғыс білдіреді және алдағы мансабында сәттілік тілейді», - делінген ресми хабарламада. Айта кетейік, елордалық клуб сербиялық маман Дарко Руссомен келісімшартқа 2021/2020 маусымда отырды.
«Астана» баскетбол клубы 2011 жылдың наурыз айында «Самұрық-Қазына» ұлттық әл-ауқат қорының қолдауымен құрылған.
ҚР Ұлттық лигасының 9 дүркін чемпионы, FIBA Азия чемпиондары кубогының қола жүлдегері, Қазақстан кубогының 9 дүркін иегері, 2022 жылы Қазақстан кубогының күміс жүлдегері болды.
