Паралимпиада жүлдегері Александр Герлиц «Қазақстанның еңбек сіңірген спорт шебері» атанды

2022 жылғы қысқы паралимпиада жүлдегері Александр Герлицке «Қазақстан Республикасының Еңбек сіңірген спорт шебері» атағы берілді, деп хабарлайды ҚазАқпарат.

Спортшыға төсбелгіні ҚР Премьер-Министрінің орынбасары Ералы Тоғжанов табыстады.

Салтанатты іс-шараға ҚР Мәдениет және спорт министрі Дәурен Абаев, «Қазақстан Республикасының Ұлттық паралимпиада комитеті» ҚБ Бас хатшысы Ерлан Сүлейменов және Паралимпиада құрамасының бас бапкері Василий Коломиец қатысты.