Ғани Қайназаров ҚФФ құрама командалар Департаменті директоры қызметіне тағайындалды

Қазақстан футбол федерациясының кеңсесінде құрама командалар Департаментінің директоры таныстырылды.

Жаңа қызметке танымал отандық маман Ғани Қайназаров тағайындалды.

Ғани Әділханұлы әр жылдары жамбылдық «Химик», алматылық «Қайрат», «Тараз» командаларында ойнады. Сонымен қатар, Қазақстан ұлттық құрамасының намысын қорғады.

Ойын мансабын аяқтаған соң «Тараз», «Астана» футбол клубтары мен Қазақстан футбол федерациясында басшылық қызмет атқарды.