Ақтауда дзюдодан жастар арасында Қазақстан чемпионаты аяқталды

Ақтауда дзюдодан жастар арасындағы Қазақстан чемпионатында жекелей сындар мәресіне жетті. Қазақстан чемпионатына Нұр-Сұлтан, Алматы, Шымкент қалалары мен еліміздің 14 облысынан барлығы 459 (299 ұл, 160 қыз бала) дзюдошы қатысты. Ақтау татамиінде 2002-2004 жылы туған жас татами шеберлері өзара мықтыны анықтады.

Үш күнге созылған байрақты бәсекеде топ жарған спортшылар Қазақстан жастар құрамасына шақырту алады. Сондай-ақ, 2022 жылы дзюдодан өтетін халықаралық жарыстар мен Азия және әлем чемпионатында Қазақстан намысын қорғайтын болады.

«Қазақстан чемпионаты өте тартысты өтті. Жастар арасында жаңа есімдер пайда болғанына өте қуаныштымыз. Өздеріңіз білесіздер, биыл дзюдо ережелеріне өзгеріс енгізілді. Бұл жастарымыздың жаңа ереже бойынша қатысып жатқан алғашқы бәсекесі. Ережедегі өзгерістерді ескере отырып, жастарымыз жақсы күресіп шықты деп ойлаймын. Ереже бойынша, Қазақстан чемпионатында жеңімпаз, жүлдегер атанған спортшылар ұлттық құрама сапына шақырту алады. Алайда біз жаттықтырушылармен ақылдаса келе, жүлдеден тыс қалған талантты спортшыларды да оқу-жаттығу жиындарына шақырып, түрлі жарыстарға қатыстырып, тағы мүмкіндік беріп көреміз.

Жоғарыда айтқанымдай, осы чемпионат нәтижесінде құрама жасақталып, жарыс күнтізбесі бойынша Азия және әлем чемпионаттарына қазірден дайындыққа кірісеміз» - дейді, Қазақстан жастар құрама командасының аға жаттықтырушысы Азамат Мұқанов.

Жекелей жарыс нәтижесі бойынша жалпы командалық есепте медаль кестесінде Шығыс Қазақстан олысының командасы көш бастады. Шығыс Қазақстан облысының дзюдошылары үш алтын, бір күміс және бір қола жүлде жеңіп алды. Екі алтын, екі күміс және үш қола жүлде жеңіп алған Алматы облысының командасы екінші орынға жайғасты. Ал қоржынында екі алтын, бір күміс және бір қола жүлдесі бар Түркістан облысының құрамасы Қазақстан чемпионатындағы үздік үштікті түйіндеді.

Қазақстан чемпионатында жеңімпаз және жүлдегер атанған спортшылар тізімі келесідей:

Қыздар

48 кг

1. Нұрайлым Сәрсенбек (Қарағанды облысы)
2. Жанерке Асқарова (Қызылорда облысы)
3. Аяна Дүйсенбай (Атырау облысы)
4. Гузаль Аюпова (Алматы)

52 кг

1.Аружан Ережепова ( Алматы облысы)

1. Алима Жұмағалиева (Қарағанды облысы)
2. Ардақ Нұрсақ (Жамбыл облысы)

3.Балнұр Әбдешова (ШҚО)

57 кг

1. Мөлдір Беисенова (ШҚО)
2. Әсемгүл Балтабай (Шымкент)
3. Аяулым Қуанышова (Жамбыл облысы)
4. Ұлдана Үсейін (Шымкент)

63 кг

1. Эсмигуль Куюлова (Атырау облысы)
2. Самалай Ерғалиева (Қостанай облысы)
3. Гүлнұр Баханова (Ақтөбе облысы)
4. Алена Чуссовитина (Алматы)

70 кг

1. Роза Нысантайқызы (ШҚО)
2. Ажар Асхат (ШҚО)
3. Анастасия Морозова (Алматы)
4. Диана Тельбаева (Қарағанды облысы)

-78 кг

1. Назгүл Есімбек (Түркістан облысы)
2. Минар Ілежан (Алматы)
3. Әсем Аманбек (Қызылорда облысы)
4. Шынар Абатова (Қызылорда облысы)

+78 кг

1. Карина Такиева (БҚО)
2. Толқын Тұрсынханова (Нұр-Сұлтан)
3. Айдана Кенжебай (Қызылорда облысы)
4. Мадина Ержан (Нұр-Сұлтан)

Ұлдар

60 кг

1. Жанарыс Рахметқали (Ақтөбе облысы)

2. Нұрсұлтан Жұбатқан (Маңғыстау облысы)

3.Нұрәділ Әлжан (Қостанай облысы)

3.Қайыржан Жүнісбек (Шымкент)

66 кг

1.Бекасыл Бейсенбаев (ШҚО)

2.Нұрсұлтан Зайзағалиев (БҚО)

3.Нұрдәулет Базылжан (Ақмола облысы)

3.Бекарыс Мұса (Алматы)

73 кг

1. Бекнұр Тәңірберген (Алматы облысы)
2. Қанат Әбитұлы (Маңғыстау облысы)

3.Ықылас Әлсейіт (Алматы облысы)

1. Нұрдәулет Бақтыбайұлы (Шымкент)

81 кг

1. Мейірлан Максим (Маңғыстау облысы)
2. Владимир Прокупшук (Қостанай облысы)
3. Бексұлтан Ашен (Түркістан облысы)
4. Азат Күмісбай (Маңғыстау облысы)

-90 кг

1. Айдар Арапов (Түркістан облысы)
2. Мухамедали Мавлидов (Алматы облысы)
3. Құдірет Досымов (Шымкент)
4. Қазыбек Ракишев (Жамбыл облысы)

-100 кг
1. Жұрқамырза Шүкірбеков (Алматы)
2. Рауан Назымханов (Түркістан облысы)
3. Дамир Ахет (Алматы облысы)
3. Темірлан Хайролла (Алматы облысы)

+100 кг
1. Нұрсұлтан Қаблан (Қостанай облысы)
2. Сейітәлі Садвакасов (Алматы)
3. Мейіржан Әбдімәлік (Шымкент)
3. Дастан Баухан (Ақмола облысы)