Зайнутдинов Ресей чемпионатында «Спартак» қақпасына гол соқты

Ресей чемпионатының 19-турындағы орталық матч Мәскеуде өтті, деп жазады Prosports.kz.

«Открытие Банк Арена» стадионында мәскеулік екі клуб - «Спартак» пен ЦСКА кездесті. Қазақстандық футболшы Бактиер Зайнутдинов өнер көрсететін ЦСКА 2:0 есебімен жеңіске жетті. Алаңға 55-минутта шыққан «Тараз» түлегі араға 24 минут салып, командасының матчтағы екінші голын соқты.

Қазақстандық футболшы маусымда үшінші рет мергендік танытты. Бұған дейін ол «Нижний Новгород» және «Сочи» қақпасын дәл көздеген.

ЦСКА осы жеңісінен кейін 33 ұпай жинады. «Армияшылар» төртінші орынға жайғасқан.