Елдегі әскери жағдайға байланысты Украина чемпионаты тоқтатылды

Футболдан Украина чемпионаты елде әскери жағдайдың енгізілуіне байланысты тоқтатылды, деп хабарлайды Prosports.kz.

Бұл туралы Украина премьер-лигасының ресми сайты хабарлайды.

Естеріңізге сала кетейік, бүгін Украина президенті Владимир Зеленский елде әскери жағдай енгізілгенін мәлімдеді.

Украина футбол чемпионаты тоқтатылған сәтте Донецктің «Шахтері» 18 матчта 47 ұпай жинап, турнирлік кестеде көш бастап тұр. Екінші орында киевтік «Динамо» (45), үшінші сатыда 40 ұпаймен «Днепр-1» жайғасқан.