УЕФА Санкт-Петербургті Чемпиондар лигасының финалын өткізу құқығынан айыруы мүмкін

2022 жылғы УЕФА Чемпиондар лигасының финалы Санкт-Петербургте өтпеуі мүмкін, деп хабарлайды Prosports.kz сайты RMC-ге сілтеме жасап.

Санкт-Петербургтің орнына Лондон қаласының кандидатурасы қарастырылып жатыр.

Финал 2022 жылы 28 мамырда Санкт-Петербургте өтуі керек еді. Бірақ Ресейдің ДНР мен ЛНР-ді мойындау туралы шешімі УЕФА-ны басқа нұсқаны іздеуге мәжбүр етті.

Айта кетейік, Ресей Федерациясының бұл әрекетін айыптап жатқан мемлекеттер аз емес.