«Алдыңдағы қарсылас қаншалықты беделді екені емес, оның сізге не ұсына алатыны маңызды»
![«Алдыңдағы қарсылас қаншалықты беделді екені емес, оның сізге не ұсына алатыны маңызды»](https://prosports.kz/upload/news/content//202202/472_455b288356afeab2d235f4d4dab38d1b.jpg?v=28687700)
19 ақпанда Германияның Гамбург қаласында Universum Box Promotions ұсынған «Чемпиондар түні» бокс кеші аясында ауыр салмақтағы жеңіліп көрмеген қазақстандық боксшы Жан Кособуцкий (17-0, 16 КО) кәсіпқой карьерасындағы ең ірі жекпе-жегін өткізеді. Ол Деонтей Уайлдер мен Александр Поветкиннің бұрынғы қарсыласы, тәжірибелі франциялық боксшы Жоан Дюопамен (39-6, 26 КО) кездеседі.
Prosports.kz тілшісіне берген сұхбатында отандық боксшы болашақ қарсыласы туралы пікірімен бөлісіп, бос WBC International титулы үшін жекпе-жекке деген көңіл-күйін айтты.
– Жан, айтыңызшы, Джоан Дюопаға қарсы жекпе-жекке дайындық кімнің басшылығымен жүріп жатыр?
– Әкем әрі бапкерімнің басшылығымен.
– Джоан Дюопа - өз карьерасында Деонтей Уайлдерге, Александр Поветкинге, Жарелл Миллерге қарсы жұдырықтасқан өте танымал боксшы. Сіз оның ауыр салмақтағы боксшыларға қарсы жекпе-жегін көрдіңіз бе?
– Мен оның кейбір жекпе-жектерінің үзінділерін көрдім.
– Сіздің ойыңызша, қарсыластың негізгі күшті жақтары неде?
– Білмеймін, жекпе-жекте бәрі белгілі болады.
– Дуопада бойы мен колының серпілуі бойынша артықшылығы бар. Онымен қалай жұдырықтасуды жоспарлап отырсыз?
– Гугл және Ютуб көмегімен (күледі).
![](https://img.prosports.kz/news/content//202202/207278_08cfa31243acf4cd86f2d28dedf61b44.jpg)
– BoxRec бірінші рет сіздің жекпе-жекті үш жұлдызға бағалады. Сіз бұған мән бересіз бе?
– Жоқ, мен оған мән бермеймін.
– Алдағы жекпе-жекті жаңа деңгейге шығуға арналған трамплин ретінде қабылдайсыз ба?
– Біз кез келген жекпе-жекке шындап қараймыз, дайындаламыз. Алдыңыздағы қарсылас қаншалықты беделді екені маңызды емес, маңыздысы оның сізге дәл қазір не ұсына алатыны және оның қаншалықты дайын екендігі.
– Дюопа BoxRec әлем рейтингінде сізден он үш сатыға жоғары тұр. Ол жекпе-жектің фавориті ме?
– Мен оны рейтингте менен соншалықты жоғары деп ойламаптым. Кейде боксшылардың BoxRec-те қалай алға шығатыны маған түсініксіз.
![](https://img.prosports.kz/news/content//202202/207278_b525b38701a079bf35b3e1787ba6d48c.jpg)
– Қазақстандық жанкүйерлерді нокаутқа дағдыландырып қойғансыз. Бұл жолы да жекпе-жектің мерзімінен бұрын аяқталуын күту керек пе?
– Тағы да қайталап кетейін, біз өз мақсатымызға қарай жылжып келеміз, бірақ мүмкіндік болса, оны кейінге қалдырудың не қажеті бар? Ең бастысы, жекпе-жекте тәжірибе жинақтау, сонымен қатар қызық әрі әдемі бокс көрсету.
Фото: Universum Box Promotions