«Барыс» канадалық легионерімен келісімшартты үзді

«Барыс» канадалық шабуылшы Мэттью Фрэттинмен келісімшартты үзді, деп хабарлайды Prosports.kz тілшісі клуб баспасөз қызметіне сілтеме жасап.

Келісімшарт екі тараптың өзара келісімімен тоқтатылды.

Еске салайық, желтоқсанның ортасында Фрэттин отбасылық жағдайына байланысты командадан кеткен. «Барыс» сапында канадалық форвард ҚХЛ-да 194 матч өткізіп, 118 (54+64) ұпай жинаған.