«Ордабасы» Премьер-лигада қалады

Шымкенттік «Ордабасы» қаржылық қиындықтарына қарамастан Премьер-лигада қалады. Бұл туралы журналист Айдын Қожахмет хабарлады.

Оның сөзінше, шымкенттік клуб салық қарызын 5 жылға бөліп төлеуге келісім алды. Дегенмен клуб жаңа маусымда басымдықты жергілік ойыншыларға береді.

Бұған дейін Prosports.kz жазғандай, клуб ойыншылардың жалақысын ұзақ уақыттан бері кешіктіріп келеді, оның салық органдарына да орасан мол қарызы бар.

«Ордабасы» ел чемпионатына қатыса алмаса, оның орнына «Оқжетпес» не «Қайсар» командалары келуі мүмкін еді.