Жәнібек Әлімханұлы жиырма нокауты бар боксшымен жекпе-жек өткізуге келісті
![Жәнібек Әлімханұлы жиырма нокауты бар боксшымен жекпе-жек өткізуге келісті](https://prosports.kz/upload/news/content//202201/203991_82d8a7a8a0a6b8e401a473369918e5d1.jpg?v=28702696)
Орта салмақтағы қазақстандық Жәнібек Әлімханұлы (11-0, 7 КО) мен бразилиялық Эскива Фалькао (29-0, 20 КО) өздерінің Twitter парақшаларында WBO тұжырымы бойынша бос тұрған әлем чемпионы титулын сарапқа салуға келісті, деп хабарлайды Prosports.kz.
Деметриус Андраде Жәнібекпен жекпе-жекке шықпай, супер орта салмаққа өтуді қалайды деген хабардан кейін Фалькао Әлімханұлын рингке шақырды. Алғашында Әлімханұлы былай деп жауап берді: «Бауырым, сені нокаутқа түсіретінімді білесің. Жекпе-жектің не қажеті бар?».
Алайда, әрі қарай хат алмасу барысында боксшылар бір-бірімен келісті:
Фалькао: Осы жекпе-жекке шығайық, мен сенімен жұдырықтасқым келеді. Біз бір [промоушн] компанияданбыз. Мен мықты екенімді дәлелдеймін».
Әлімханұлы: «Мен дайынмын!
Айта кетейік, Фалькао мен Әлімханұлының Top Rank промоушнының өкілі.