Бокс

Головкиннің командасы Жапонияға қысқартылған құраммен аттанады

Головкиннің командасы Жапонияға қысқартылған құраммен аттанады

Teiken промоутерлік компаниясының басшысы Акихико Хонда орта салмақтағы екі әлем чемпионы қазақстандық Геннадий Головкин (IBO және IBF) мен жапондық Риота Мурата (WBA) 2021 жылдың 29 желтоқсанына жоспарланған біріктіру жекпе-жегі сәуір айына шегерілгенін айтты, деп жазады Prosports.kz.

Жапондық БАҚ-тың хабарлауынша, жекпе-жек сәуірден кейінге қалса ешқашан ұйымдастырылмауы мүмкін. Еске салайық, Сайтамадағы өткен жылдың желтоқсан айының соңында өтуі тиіс бокс кеші «омикрон» жаңа штаммынан туындаған шектеу шараларына байланысты өтпей қалған болатын. Жапон билігі шетелдіктерге елге кіруге тыйым салды.

Промоутердің айтуынша, бастапқыда ақпан айы қарастырылған, бірақ шекаралардың ашылуына қатысты жағдайдың белгісіздігіне байланысты сәуір айында біріктіру күресін өткізу туралы шешім қабылданған.

Сондай-ақ, Хонда Головкин командасының сәуірге көңілі толатынын атап өтті, сонымен қатар, GGG тарапы Жапониядағы делегациясын 11 адамға дейін қысқартуға келіскен екен.

Головкин соңғы рет 2020 жылдың желтоқсан айында рингке шыққан еді. Голливудта (Флорида, АҚШ) өткен бокс кешінде қазақстандық боксшы IBF тұжырымы бойынша чемпиондық атаққа үміткер Камил Шереметаны ұмытқан. Жетінші раундтан кейін поляк бұрышы жекпе-жекті жалғастырудан бас тартты.

Ошибка в тексте? Выделите и нажмите Ctrl+Enter
Пікірлер 0