Хорватия құрамасы төртінші рет Дэвис кубогының финалына шықты

Теннистен Хорватия құрамасы Дэвис кубогының жартылай финалында Сербияны жеңіп, финалға өтті, деп хабарлайды Prosports.kz.

Бірінші кездесуде хорват теннисшісі, әлемнің 279-ракеткасы Борн Гойо әлемнің 33-ракеткасы, сербиялық Душан Лайовичті 4:6, 6:3, 6:2 есебімен жнңді.

Екінші кездесуде әлемнің бірінші ракеткасы, серб теннисшісі Новак Джокович Хорватия өкілі Марин Чиличті 6:4, 6:2 есебімен жеңіп, есепті теңестірді.

Ал шешуші, үшінші кездесуде хорватиялық Никола Мектич пен Мате Павич сербиялық Новак Джокович пен Филип Краиновичті 7:5, 6:1 есебімен жеңді,

Осылайша, Хорватия құрамасы төртінші рет Дэвис кубогының финалына шықты. 2005 және 2018 жылдары чемпион атанып, 2016 жылы Аргентинаға есе жіберді.