Қоян-қолтық ұрыстан ҚР ҚК Жоғарғы Бас қолбасшысы кубогының жеңімпаздары анықталды
![Қоян-қолтық ұрыстан ҚР ҚК Жоғарғы Бас қолбасшысы кубогының жеңімпаздары анықталды](https://prosports.kz/upload/news/content//202112/201736_fe1c4251a5fa77197b65b7babd5e452d.jpg?v=28703784)
Алматыда Қазақстан Республикасы Қарулы Күштері Жоғарғы Бас қолбасшысының кубогы үшін қоян-қолтық ұрыстан VI ашық республикалық турнирдің финалдық жекпе-жектері өтті, деп хабарлайды Prosports.kz сайты ҚазАқпарат-қа сілтеме жасап.
ҚР Қорғаныс министрлігінің баспасөз қызметінен мәлім еткендей, мықтылар сыналатын жарыста жеңіске жету үшін Қарулы Күштер, Ұлттық қауіпсіздік комитеті, Мемлекеттік күзет қызметі, Ұлттық ұлан, сондай-ақ еліміздің түрлі өңірлерінен келген спортшылар өз салмақ дәрежесінде бағын сынады.
Турнир жеңімпаздары: 55 келі салмақта Қорғаныс министрлігінің спортшысы Аман Шәкіртов, 60 келіге дейін, 65 келіге дейін, 75 келіге дейін, 85 келіге дейін және 90 келіден жоғары санаттарда ҚР ІІМ өкілдері – Асхат Жылысбеков, Ырысбек Байдуллаев, Айдын Төлепбаев, Асылбек Смайылов, Жеңіс Ердәулет. 70 келіге дейінгі дәрежеде Мемлекеттік күзет қызметінен Данияр Қойшыбек, 80 келіге дейін – Әуе қорғанысы к
үштерінің өкілі Жомарт Жәкетаев, 90 келіге дейін – Ұлттық қауіпсіздік комитетінен Демей Бексұлтан. Турнир квалификациялық болып табылады – жеңіске жеткен спортшыларға «Қазақстан Республикасының спорт шебері» атағы беріледі.
Жалпы командалық есепте бірінші орынды Ішкі істер министрлігінің құрамасы, екінші орынды Мемлекеттік күзет қызметінің командасы, үшінші орынды Қорғаныс министрлігінің командасы иеленді.