Фируза Шәріпова: Тэйлор МакГрегормен бірге шықса, екеуін де нокаутқа түсіремін

Үш салмақ дәрежесінде әлем чемпионы, қазақстандық боксшы Фируза Шәріпова Кэти Тейлорға қарсы жекпе-жек алдында мәлімдеме жасады, деп хабарлайды Prosports.kz.

Шәріпова – Тейлор кездесуі 11 желтоқсанда өтеді. Боксшылар ирландиялыққа тиесілі жеңіл салмақта WBC, WBA, WBO, IBF тұжырымдары мен The Ring журналы бойынша әлем чемпионы титутын сарапқа салады.

Инстаграмда Шәріпова қарсыласын жеңуге дайын екенін жазды:

«11 желтоқсанда жылдың басты апсетін жасаймын! Кэти Тейлордың барлық белбеуін тартып алып, Қазақстанға әкелемін. Кэти Тейлорға ештеңе көмектесе алмайды. Рингке Конор МакГрегор екеуі шықса да, екеуін де нокатуқа түсіремін!».