Хэмилтон Бразилия Гран-приінің іріктеу кезеңінде жеңіске жетті

«Мерседес» шабандозы Льюис Хэмилтон Бразилия Гран-приінің алдындағы іріктеу жарысында жеңіске жетті, деп хабарлайды Prosports.kz .

Британиялықтың ең жылдам айналымы 1 минут 07,934 секунд болды. Екінші орынды «Ред Булл» командасының голландиялық шабандозы Макс Ферстаппен алды, ал үздік үштікті Хэмилтонның әріптесі Вальттери Боттас түйіндеді.

Айта кетейік, бүгін тағы бір еркін жаттығу және спринт-іріктеу сыны өтеді. Онда жарыстың басталу реті анықталады.