Махмуд Сабырхан - әлем чемпионатының күміс жүлдегері

Махмуд Сабырхан Белградта өтіп жатқан бокстан әлем чемпионатында күміс медаль алды, деп хабарлайды Prosports.kz.

54 келіге дейінгі салмақ дәржесінде өнер көрсететін Сабырхан финалда жапониялық Томоя Цубоимен жұдырықтасты.

Бұл жекпе-жекте жерлесіміз 0:5 есебімен жеңіліп, әлем чемпионатының күміс жүлдегері атанды.

Бұған дейін шаршы алаңға шыққан Теміртас Жүсіпов әлем чемпионы атанған болатын.

Айта кетейік, әлем біріншілігінің финалында тағы екі боксшымыз - Сакен Бибосынов пен Серік Теміржанов өнер көрсетеді.