Теміртас Жүсіпов әлем чемпионы атанды

Теміртас Жүсіпов Белградта өтіп жатқан бокстан әлем чемпионатында алтын медаль алды, деп хабарлайды Prosports.kz.

48 келіге дейінгі салмақ дәржесінде өнер көрсететін Жүсіпов финалда Таиланд спортшысы Вуттичай Юрачаймен кездесті.

Бұл жекпе-жекте жерлесіміз 5:0 есебімен жеңіске жетіп, әлем чемпионы атанды.

Жүсіпов үшінші раундта қарсыласын нокдаунға түсірді.

Айта кетейік, әлем біріншілігінің финалында тағы үш боксшымыз - Сакен Бибосынов, Махмуд Сабырхан, Серік Теміржанов өнер көрсетеді.