Конференция лигасы. «Қайрат» – «Карабах» матчының трансляциясы

Бүгін, 3 қарашада УЕФА Конференция лигасы топтық кезеңінің 4-турында қазақстандық «Қайрат» өз алаңында Әзербайжанның «Карабах» командасымен кездеседі, деп хабарлайды Prosports.kz сайты.

«Карабах» H тобының көш басында тұр. Әзірбайжан командасы өз алаңында «Базельмен» тең түсіп, сырт алаңда «Омонияны» 4:1 есебімен сүріндірді. Ал «Қайрат» өз алаңында Кипрдің «Омониясымен» тең тарқасып, сырт алаңда Швейцарияның «Базель» клубына 2:4 есебімен жол берді.

«Карабах» – «Қайрат» матчы елорда уақытымен 21:30-да басталып, «Qazsport» телеарнасынан тікелей эфирде көрсетіледі.