«Милан» ойыншысы коронавирус жұқтырды

«Милан» футбол клубының жартылай қорғаушысы Браим Диас коронавирус жұқтырды, деп жазады Prosports.kz.

Италиялық клубтың ресми сайты хабарлағандай, Браим Диастың коронавирусқа тапсырған тесті оң нәтиже көрсетті.

Испаниялық жартылай қорғаушы оқшауланды, оның жағдайы жақсы. Өзге ойыншылар коронавирусқа тексерілді, барлығы теріс нәтиже көрсетті.

Айта кетейік, Браим Диас «Реал Мадридтің» ойыншысы, «Миланға» жалға берілген.