Мигель Анхель Лопес «Астанаға» оралды
Колумбиялық велошабандоз Мигель Анхель Лопес Astana Qazaqstan Team командасына оралды, деп хабарлайды Prosports.kz.
Бұл туралы клубтың баспасөз қызметі мәлімдеді.
27 жастағы спортшы алдағы екі маусым (2022 және 2023) қазақстандық клубта өнер көрсетеді.
Мигель Анхель Лопес «Астанада» алты маусым (2015 жылдан 2020 жылға дейін) бақ сынады. Сол аралықта ол команданың көшбасшы шабандоздарының бірі болды. Бірқатар ірі жарыстарда жеңіске жетті.
Лопес 2021 жылғы маусымын басқа командада өткізді. Бірақ бар болғаны бір маусымнан кейін қазақстандық клубқа қайта оралып отыр.
