Кебіспаев: Жартылай финалда жеке бапкерімнің қасымда жоқтығы әсер етті

Кебіспаев: Жартылай финалда жеке бапкерімнің қасымда жоқтығы әсер етті

Грек-рим күресінен әлем чемпионатының қола жүлдегері Алмат Кебіспаев жартылай финалда жеңілуінің себебін түсіндірді.

- Тактикалық тұрғыдан қателіктер болды. Басында өзім кілемнен шығарам деп жүріп, аяғымды дұрыс ұстамай, біраз ұпай беріп қойдым. Негізі, өзім төрттағанда жиі қате жіберетінмін. Ослода бұл жағынан проблема болған жоқ. Есесіне, тік тұрып күрескенде қарсыласқа жол берген кездерім бар. Ресейлік балуанға берген ұпайымды қайтарамын деп, жанталасып әдіс жасауға көштім.

Қасымда Боранбек ағайым болған жоқ. Кейін ол кісі менің асығып кеткенімді, алға ұмтыла бермей, төрттағанды күтпегенімді айтты. Мүмкін, сырттан берілетін ақыл-кеңес жетпеген шығар, - деді Алмат. 

Айта кетелік, Ослодағы әлем чемпионатының жартылай финалында Кебіспаев ресейлік Назир Абдуллаевтан ұтылған болатын. Қола медаль үшін күресте түрік балуаны Мұрат Фыратты ұтты. 

Түпнұсқасы: Olympic.kzОшибка в тексте? Выделите и нажмите Ctrl+Enter
Пікірлер 0