Әлем чемпионатында «қола» үшін белдесуде қазақстандық екі балуан жеңіліп қалды

Қазақстандық балуандар Азамат Дәулетбеков пен Олег Болтин Ослода өтіп жатқан әлем чемпионатында жеңіс тұғырына көтеріле алмады, деп хабарлайды Prosports.kz.

Дәулетбеков 86 келіге дейінгі салмақта «қола» үшін белдесуде ресейлік Артур Найфоновтан 0: 3 есебімен жеңілді.

Болтин 125 келіде әлем чемпионатының қола жүлдесін жеңе алмады, жүлде үшін тартыста моңғолиялық Лхагвагерел Мунхурға жол берді - 3: 5.

Әйелдер күресінен жарыстың бірінші күні Айша Уалишан (55 келіге дейінгі салмақ дәрежесінде) ширек финалда Үндістан өкілі Пинки Пинкиге есе жіберді - 1: 4. Аяулым Касымова (62 келіге дейін) 1/8 финалға тоқтап, украиналық Илона Прокопевнюктен жеңілді - 1:12.

Фото: olympic.kz