«Барыс» хоккейшісі ҚХЛ ТОП рейтингінде көш бастап тұр

«Барыс» капитаны Даррен Диц Континентальды хоккей лигасы чемпионатының қорғаушыларының үздіктер қатарында, деп хабарлайды Рrosports.kz.

Хоккейші «Локомотивке» қарсы кейінгі ойынында шайбамен ерекшелене алды, ол лигадағы 13 матчта алтыншы голын соқты.

Осылайша, Нұр-Сұлтан клубының 44-ші нөмірлі ойыншысы «Локомотивтегі» Рушан Рафиков пен «Торпедо» қорғаушысы Теодор Леннстрем сияқты сұрмерген-қорғаушылар арасындағы рейтингте көш бастады, аталмыш екі хоккейшіде де төрт гол бар.

Естеріңізге сала кетейік, «Барыс» ҚХЛ чемпионатындағы келесі кездесуін 6 қазанда өз алаңында Омбының «Авангард» командасымен өткізеді.