Қазақстандық Сергей Ткаченко Австрияда жазғы Гран-при кезеңінің финалында 47-орын алды

Қазақстандық спортшылар Австрияда шаңғымен тұғырдан секіру бойынша Гран-при кезеңіне қатысты, деп хабарлайды Olympic.kz.

Хинценбахта (Австрия) өткен жазғы Гран-при кезеңінің финалына Қазақстан сапынан Сергей Ткаченко қатысты. Нәтижесінде ол 92,6 ұпай еншілеп, жарыста 47-орынға жайғасты.

Жапониялық Юкия Сато (246,7) жазғы Гран-при кезеңінің жеңімпазы атанды. Оның командаласы Рею Кобаяси екінші болса, германиялық Карл Гейгер үздік үштікті қорытындылады.