«Оқжетпестің» бұрынғы бас бапкері өмірден өтті

«Оқжетпестің» бұрынғы бас бапкері Сергей Герасимец 56 жасқа қараған шағында дүниеден өтті, деп хабарлайды Prosports.kz тілшісі championat.com сайтына сілтеме жасап.

Маман 26 қыркүйекке қараған түні қайтыс болған. Өліміне не себеп болғаны белгісіз.

Герасимец киевтік «Динамо», донецкілік «Шахтер», минскілік «Динамо», «Балтика», «Зенит», «Каунас» және басқа да командаларда ойнаған. 1992-1999 жылдар арасында Беларусь құрамасында өнер көрсеткен.

Герасимец «Оқжетпес» тізгінін 2006, кейін 2009-2010 жылдары ұстаған.