ҚХЛ-да франциялық клуб пайда болуы мүмкін

Халықаралық хоккей федерациясының жаңа президенті француз Люк Тардиф Парижде Құрлықтық хоккей лигасына қатысатын клуб ашу идеясы туралы айтты, деп хабарлайды Prosports.kz тілшісі championat.com сайтына сілтеме жасап.

«Парижде ҚХЛ клубын ашу ма? Иә, ондай идея бар. Оны ковидке байланысты кейінге қалдыруға тура келді. Мұнда арена мәселесі де бар, себебі 2017 жылы әлем чемпионаты өткен «Берсиде» концерттер де болады, стадион кестесін ҚХЛ клубының кестесіне ыңғайлау мүмкін емес. Арена – басты мәселеміз», - деді Тардиф.