Қазақстандық паратаеквондошылар Еуропа ашық чемпионатында төрт жүлде алды
Қазақстанның және әлемнің спорт жаңалықтарына жазылыңызҚазақстандық паратаеквондошылар Түркияның Ыстанбұл қаласында өткен паратаеквондодан Еуропа ашық чемпионатында төрт медаль жеңіп алды.
Жалпы командалық есепте еліміздің құрамасы үшінші орынды иеленді.
Жарысқа 18 елден 120-ға жуық спортшы қатысты. Еліміздің намысын қорғауға 8 пара-атлет аттанды.
Мәлік Мұқашев (К41 80 келіге дейін) пен Кәмиля Досмалова (К44 57 келіге дейін) Түркияда өткен халықаралық турнирдің жеңімпаздары атанды.
Токио-2020 Паралимпиадалық ойындарының қатысушылары Нұрлан Домбаев (K44 80 келіге дейін) пен Нышан Өмірәлі (K44 80 келіден жоғары) жарысты қола медальмен аяқтады.