Брейк-данс: Закиров халықаралық турнирде жеңіске жетті

Қазақстандық Әмір Закиров брейк-данстан Бельгияда өткен халықаралық турнирдің жеңімпазы атанды, деп хабарлайды Prosports.kz.

JBL Unbreakable турниріне 30-дан астам елдің өкілдері қатысты. Закиров финалға дейін Бельгия (Sambo), АҚШ (Jeffro), Норвегия (Exaggerate) және Ресей (Nord Diamond) спортшыларымен кездесті.

Финалда бельгиялық Mighty Jimm-ден басым түсті.

Айта кетейік, брейк-данс Парижде өтетін Олимпиада ойындарының бағдарламасына енгізілген болатын.