Велоспорттан әлем чемпионаты: Жекелей сын бойынша жеңімпаз анықталды
Қазақстанның және әлемнің спорт жаңалықтарына жазылыңызБұл күндері Бельгияда велоспорттан әлем чемпионаты жалғасып жатыр. Әлем чемпионаты аясында 23 жасқа дейінгі спортшылар арасында ерлер арасындағы жекелей сайыс өтті.
Турнирге қатысатын спортшылар Нокке -Хейст - Брюгге бағыты бойынша 30,3 км қашықтықты бағындырды. Қазақстандық спортшылар арасында үздік нәтижені Евгений Федоров көрсетті.
Жарыс қорытындысы бойынша ол 20-шы орынға жайғасты. Тағы бір қазақстандық велошабандоз Игорь Чжан 37-ші болды.
Жарыс жеңімпазы Йохан Прайс-Петерсен (Дания) болса, Люк Плапп (Австралия) екінші орыннан көрінді. Үздік үштікті Флориан Вельмерш (Бельгия) қорытындылады.