Ахмедов Головкинмен кездесіп, алдағы жоспарын талқылады
Қазақстандық боксшы Әли Ахмедов (17-1, 13 КО) отандасы, IBF және IBO тұжырымдары бойынша орта салмақтағы әлем чемпионы Геннадий Головкинмен (41-1-1, 36 КО) кездесті, деп жазады Prosports.kz.
Бұл туралы Ахмедов инстаграм желісіндегі жеке парақшасында мәлімдеді.
Әлидің бокстағы ісін Головкиннің GGG Promotions компаниясы жүргізеді. Ахмедовтің айтуынша, осы жолғы кездесуде алдағы жоспар талқыланған.
«Геннадий Головкинмен болашақ жоспарымызды талқыладық», - деп жазды ол.
Айта кетейік, 16 қыркүйекте Әли Ахмедов Монебелло қаласында (Калифорния, АҚШ) перулік Давид Сегарраны (34-6, 21 КО) техникалық нокаутпен жеңді.
