Нұрсұлтан Пиялы «Бәйтерекке» ауысты

«Бәйтерек» футзал клубы Нұрсұлтан Пиялымен келісімшарт жасасты, деп жазады Prosports.kz.

Бұл туралы оралдық клубтың баспасөз қызметі хабарлады.

Ойыншы жаңа командасындағы алғашқы жаттығуын өткізіп үлгерді.

Бұған дейін 24 жастағы ойыншы талдықорғандық «Жетісу» (32 кездесу, 16 гол) мен алматылық «Қайратта» (50 кездесу, 14 гол) өнер көрсетті.

Биыл наурызда Пиялы Ресей жоғары лигасында бақ сынайтын «Корпорация АСИ» командасына жалға берілді.