Зайнутдиновтың әріптесі «Локомотивке» ауысуы мүмкін

Мәскеудің «Локомотиві» мәскеудің ЦСКА жартылай қорғаушысы Константин Марадишвилиді сатып алмақшы, деп хабарлайды Prosports.kz.

«Локомотив» 21 жастағы жартылай қорғаушыға қызығып отыр. Футболшының отбасы армияшылар клубындағы жалақысына көңілі толмайды.

Марадишвилидің өкілдері ойыншының жалақысын көтеруді немесе оны басқа клубқа ауыстыруды көздеп отыр. Футболшының келісімшартындағы өтемақы мөлшері 10 миллион еуроны құрайды.

Марадишвили ЦСКА сапында 2019 жылдан бері ойнайды. ЦСКА түлегі Мәскеу клубының негізгі командасында 48 матч өткізіп, екі гол соққан.