Өскеменде велоспорттан дәстүрлі веложарыс өтіп жатыр

Өскеменде велоспорттан «Қазақстан мектеп оқушысы» көпкүндігі өтіп жатыр, деп хабарлайды Olympic.kz.

Алты кезеңнен тұратын көпкүндік биыл осымен 51-ші рет дәстүрлі түрде ұйымдастырылып отыр.

Бірінші кезең қорытындысы бойынша 60 км қашықтықты Кирилл Стральченко бірінші болып бағындырды. Рудольф Ремхи мен Алексей Ваганов үздік үштікке енді.

Екінші кезеңде топтық жарыста 90 км бойынша Кирилл Стрельченко, Рудольф Ремхи мен Георгий Шепелев үштігі үздіктер қатарында көш бастады.

Айта кетерлігі, аталған веложарыс 19 тамызға дейін жалғасады.