Токио Олимпиадасында тағы бір сенсация тіркелді

Италияның ерлер құрама командасы Токиода өтіп жатқан Олимпиадада 4х100 метрлік эстафетада сенсациялы түрде алтын медаль жеңіп алды, деп хабарлайды Рrosports.kz.

Лоренцо Патта, Ламонт Марсель Джейкобс, Эсеос Фаустин Десалу мен Филиппо Торту ойнаған команданың нәтижесі - 37.50. Ұлыбритания құрамасы мәреге екінші келді (37,51). Ал канадалықтар қоланы жеңіп алды (37.70).

Итальяндықтар Токио ойындарында түрлі номинациядағы 38 медаль иеленді. Бұл Олимпиада ойындарында ұлттық құрама үшін ең үздік нәтиже.

фото: Reuters