Өзбекстандық шабуылшы «Рома» ойыншысы атанды

Өзбекстандық шабуылшы Элдор Шомуродов римдік «Рома» клубымен келісімшартқа отырды, деп хабарлайды Prosports.kz клубтың ресми сайтына сілтеме жасап.

Бұған дейін 26 жастағы футболшы «Дженоада» ойнаған.

Шомуродов «Рома» клубымен 2026 жылдың маусымының соңына дейін бес жылдық келісімшартқа отырды. «Қасқырлар» құрамында Элдор 14 -ші нөмірмен өнер көрсетеді. «Дженоа» келісімшартқа сәйкес ойыншының одан әрі сатылымының пайызын талап ете алады.

Еске салайық, Шомуродов 2020 жылы Ростовтан «Дженоа» ауысқан. Шабуылшының трансферлік құны 7,5 миллион еуроны құрады. Элдордың «Дженоа» клубымен келісімшарты 2024 жылдың жазына дейін есептелген. 2020/2021 маусымында 26 жастағы шабуылшы Италияның А сериясында 31 ойын өткізіп, сегіз гол соғып, бір нәтижелі пас берді. Transfermarkt интернет -порталы Шомуродовты 7 миллион еуроға бағалап отыр.