Иран құрамасы халықаралық турнирде топ жарды

Бангкокта (Таиланд) Continental Futsal Championship халықаралық турнирінің шешуші кездесулері өтті, деп жазады Prosports.kz.

Үшінші орын үшін өткен матчта Өзбекстан құрамасы Египетті 4:0 есебімен жеңіп, жарыстың қола жүлдегері атанды.

Ал ақтық сында Иран мен Тайланд құрамасы кездесті. Бұл кездесуде алаң иелері Иран ойыншыларына қарсы тұра алмады. Есеп - 5:1.

Осылайша, Иран құрамасы турнир жеңімпазы атанды.