Морозов UFC-дегі екінші жекпе-жегінен кейін елге оралды

UFC on ESPN 26 турнирінде жеңіске жеткен қазақстандық файтер Сергей Морозов елге оралды, деп жазады Prosports.kz.

Бұл туралы спортшы инстаграм желісінде Stories бөлімінде мәлімдеді.

Морозов 18 шілдеде Лас-Вегаста (АҚШ) өткен жекпе-жек кешінде ливандық неміс Халид Таханы төрешілер шешімімен жеңді.

Бұл отандасымыздың UFC-дегі екінші жекпе-жегі болатын.

Айта кетейік, Морозов UFC-дегі алғашқы жекпе-жегінде ресейлік Умар Нурмагомедовтен жеңіліп қалды.