Артем Резников пен Забит Магомедшарипов бірге жаттығу жасады
Қазақстанның және әлемнің спорт жаңалықтарына жазылыңызҚазақстандық файтер Артем Резников (22-6) ACA лигасының чемпиондық атағы үшін өтетін жекпе-жегіне Алматыда дайындалып жатыр.
Артем Резников Алматыда UFC файтері Забит Магомедшариповпен (19-1) жаттығу өткізді. Бұл туралы ресейлік спортшы Instagram-парақшасында мәлімдеді.
29 жастағы Резников осы жылдың қыркүйек айында өтетін ACA турнирлерінің біріне қатысады. Қарсыласы - жеңіл салмақта (70,3 келі) лиганың қазіргі чемпионы ресейлік Абдулазиз Абдулвахабов (18-2) болады.
Артем Резников соңғы рет октогонда ACA 111 турнирінде өнер көрсетіп, ACB чемпионы Юсуф Раисовты жеңіп, жеңіл салмақта ACA титулына басты үміткер болды.